Ministri Mediu: Problem kryesor, përcaktimi i kufijve administrativë.

Ministri i Mjedisit, Pyjeve dhe Administrimit te Ujerave, zoti Fatmir Mediu mori pjesë në takimin e zhvilluar në kuadër të transferimit dhe regjistrimit të pyjeve, organizuar në bashkëpunim me SNV-në. Në fjalën e tij ministri Mediu u shpreh për rëndësinë që ka ky proçes, por edhe për përgjegjësinë që pret pushtetin lokal, në trajtimin e sipërfaqëve që do të  marrin në “pronësi”. Në këtë kontekst, ministri Mediu u shpreh se MMPAU ka miratuar të gjitha kërkesat e komunave për transferimin e pyjeve dhe të kullotave, të cilat plotësojnë kriteret ligjore dhe teknike. Proçesi i trasferimit ka pasur padyshim dhe një sërë problemesh, por ajo që është më e rëndësishme është njohja e tyre dhe zgjidhja rast pas rasti.

Në kuadër të ditës Botërore të Tokës u zhvillua një aktivitet ndërgjegjësues i ndërrmarrë nga shoqatat mjedisore në bashkëpunim me Ministrinë e Mjedisit Pyjeve dhe Administrimit të Ujërave , Bashkinë Tiranë, Ambasadën Amerikane dhe Ambasadën Austriake.

Aktiviteti u zhvillua më datë 22 prill 2012 në Rr." Murat Toptani" (zona pedonale). Hapja filloi me fjalët përshëndetëse nga z.Lulzim Basha Kryebashkiaku i Tiranës, z. Alexander Arvizu Ambasador Amerikan, z. Florian Rauning Ambasador Austriak, z. Taulant Bino Zëvendësministër i Mjedisit, dhe më pas Znj Ermelinda Mahmutaj Drejtoreshë qendra mjedisore EDEN.